Bakı, 25 dekabr, Elvin Camalov, AZƏRTAC
Xocalı prospektində “Şah İsmayıl Xətai” metro stansiyasının qarşısında yerləşən piyada keçidlərində dörd ədəd yeni elektron işıqfor quraşdırılıb.
Bu barədə Nəqliyyatı İntellektual İdarəetmə Mərkəzinin mətbuat xidmətinin rəhbəri Şəfa Mehmanqızı AZƏRTAC-a deyib.
Onun sözlərinə görə Bakıda, günün pik saatlarında nizamlanmayan piyada keçidləri yerləşən ərazilərdə mütəmadi olaraq avtomobil tıxacları yaranır. Bununla bağlı NİİM həmən ərazilərə işıqforların quraşdırılmasını təklif edib və Bakı Şəhər Dövlət Yol Polis İdarəsi tərəfindən işıqforlar quraşdırılıb.
