Yeni – 2016-cı ilin başlaması ilə dünya əhalisinin sayı 7 milyard 391 milyona çatdı. ANS PRESS-in statistik mənbələrə istinadən verdiyi məlumata görə, 2016-cı ildə dünyada 126 000 körpə doğulub.
Həmçinin 52 min nəfərdən çox insan dünyasını dəyişib. O cümlədən 2016-cı il başladıqdan sonra 10 min nəfərə yaxın insan aclıqdan, 1 600 nəfərə yaxın insan suyun səbəb olduğu xəstəliklər, 300 nəfərə yaxın qadın doğuş vaxtı, 1 500 nəfər QİÇS, 4 445 nəfər siqaretin səbəb olduğu xəstəliklər, 7 300 nəfər xərçənq, 1 000 nəfərə yaxın insan intihar, 1 200 nəfər yol nəqliyyat qəzaları ucbatından ölüb. Ölənlərdən 6 290 nəfəri 5 yaşından kiçik uşaqlardır.
Bu gün dünyada 166 milyondan çox qəzet paylanıb. Sadəcə 2016-cı ildə 222 000 televizor, 1 milyon 800 mindən çox mobil telefon satılıb. Bu müddət ərzində 3 milyard 277 milyondan çox insan internetdən istifadə edib, 74 milyarddan çox e-mail, 1 milyon 500 minə yaxın bloq, 205 milyondan çox twit yazılıb. Virtual axtarış saytı “Google”da 1 milyard 500 milyondan çox axtarış aparılıb.
Bunlar, 01.01.2016-cı il tarix saat 08.00 qədər olan rəqəmlərdir və bu göstəricilər mütəmadi olaraq dəyişilir.
