"Yaşımı heç zaman gizlətmirəm".
Milli.Az primetime.az-a istinadən xəbər verir ki, Lider TV-nin populyar simalarından biri olan Lalə Əlimuxtarova 19 avqustda özünə ad günü keçirib. 34 yaşı tamam olan aparıcının özəl bayramında Azərbaycan şou-biznesinin bir çox tanınmış simaları - xalq artisti Faiq Ağayev, əməkdar artistlər - Xəyyam Mustafazadə, Səlim Abbasov, müğənnilər - Elnarə Xəlilova, Emil Bədəlov, Samira Allahverdi, Yaşar Yusub, Rahidə Baxışova, Yaşar Cəlilov, Ayaz Qasımov, Sevda Sanaliyeva, Anar Rəhimli, Niyam Salami, Könül Məmmədli, reper Qurd, teleaparıcılar - Vüsalə Kərimova, Ülviyyə Allahverdiyeva, prodüser Kənan Bayramov və başqaları iştirak ediblər. Sərxan Kərəmoğlunun aparıcılığı ilə başlayan gecəyə Lalə qızı Melis və həyat yoldaşı Erolla birgə qatıldı. Qonaqlarını bir-bir salamlayan səbəbkar, sevincini belə bölüşdü: "34 yaşım tamam oldu. Qətiyyən yaş kompleksim olmadığı üçün yaşımı da gizlətmirəm. Yaşadığım illərlə qürur duyuram. Qızımın 1 yaşından sonra bu, keçirdiyim ikinci böyük məclisdir. Ən yaxın dostlarımın əhatəsində özümü çox xoşbəxt hiss edirəm".
Milli.Az fotoları təqdim edir:
Milli.Az
