Bakı. 24 noyabr. REPORT.AZ/ Britaniyalı müğənni Elton Con ABŞ-ın yeni seçilmiş prezidenti Donald Trampın andiçmə mərasimi ilə bağlı bayram tədbirində çıxış etmək niyyətində deyil.
Bu barədə "Report" "Reuters"ə istinadən xəbər verir.
Qeyd edək ki, daha əvvəl onun bayram tədbirində iştirak edəcəyini Trampın müşaviri Entoni Skaramuççi elan etmişdi. Amma musiqiçinin nümayəndəsi Fren Körtis bu məlumatı təkzib edib.
Xatırladaq ki, seçkiqabağı yarışda Elton Con bir neçə dəfə tədbirlərdə Demokratlar Partiyasından prezidentliyə namizəd olan Hillari Klintona dəstəyini nümayiş etdirib.
