İraqın paytaxtı Bağdad şəhərinin cənubunda baş verən güclü partlayış nəticəsində azı 80 nəfər həlak olub.
Publika.az xəbər verir ki, terror aktı Babil vilayətinin inzibati mərkəzi olan Əl-Xilla şəhərində törədilib. Terrorçu-kamikadze minalanmış yük maşınını yanacaqdoldurma məntəqəsində partladıb. Ölənlərin əksəriyyətinin Kərbəla ziyarətindən qayıdan iranlı zəvvarlar olduğu bildirilir.
Hadisənin məsuliyyətini İŞİD terror qruplaşması üzərinə götürür.
