Boliviyadan Kolumbiyanın Medellin hava limanına hərəkət edən təyyarə qəzaya uğrayıb. Fanat.Az xəbər verir ki, təyyərəd 72 nəfərin olduğu bildirilir.
Yerli mətbuatın məlumatına görə, təyyarə Braziliyanın "Şapekoense" klubunun üzvlərini daşıyırmış. Hələlik təyyarədə sağ qalanın olub-olmadığı bilinmir.
AFP xəbər agentliyinə danışan rəsmi şəxs komanda üzvlərinin təyyarədə olduğunu təsdiq edib. "Şapekoense" üzvləri Cənubi Amerika turnesi çərçivəsində Medellin şəhərində "Atletiko Nasional"la qarşılaşmaya gedirmiş.
Qeyd edək ki, "Neftçi"nin sabiq kapitanı Flavinyo ötən mövsüm bu klubda çıxış edib.
Fanat.Az