Filippində katolik kilsəsinin qarşısında baş vermiş partlayış nəticəsində 12 nəfər yaralanıb.
APA-nın “RİA Novosti”yə istinadən verdiyi xəbərə görə, insident Mindanao adasında yerləşən Midsayap şəhərində baş verib. Partlayış nəticəsində 11 dindar və 1 polis əməkdaşı xəsarət alıb.
Yaralananlardan birinin vəziyyəti pisdir.
Polisin məlumatına görə, naməlum şəxslər kustar üsulla hazırlanmış partlayıcı qurğudan istifadə ediblər. Partlayış polis maşınını yararsız hala salıb.