Bakı. 31 dekabr. REPORT.AZ/ Moskvanın cənubunda üç nəfər naməlum şəxs Rusiya idmançısı, döyüş sambosu üzrə dünya çempionu Rəsul Mirzəyevi döyərək travmatik tapancadan atəş açıb. “Report” TASS-a istinadən xəbər veri ki, bu barədə şəhər hüquq-mühafizə orqanlarının əməkdaşları məıumat verib.
Zərərçəkən xəstəxanaya çatdırılıb.
2011-ci ildə Mirzəyevin idman karyerası idmançının azadlıqdan məhrum edilməsi ilə nəticələnən hadisə ilə bağlı bitib. O, ehtiyatsızlıqdan qətl törətməkdə təqsirli bilinərək 2 il müddətinə azadlıqdan məhrum edilib. R.Mirzəyev Moskva klubunun yaxınlığında münaqişə nəticəsində tələbə İvan Aqafonova zərbə yetirib, və o, bir neçə gün sonra dünyasını dəyişib.