“Apple” yapon bazarının 41 faizinə sahibləndi

“Apple” yapon bazarının 41 faizinə sahibləndi
08:12 11 Aprel 2017
Ölkə mətbuatı
A- A+

2016-cı ildə Yaponiyada 8,51 milyon ədəd planşet satıb.  

Milli.Az lent.az-a istinadən xəbər verir ki, bu barədə "MM Research Institute" şirkətinin hesabatında deyilir. Planşetlərin bazara çıxarılmasından sonra ilk dəfə olaraq regionda tədarük azalıb. 2015-ci illə müqayisədə satışlar təxminən 10 faiz aşağı düşüb.
 
Lokal bazarda ilk yeri 41 faiz payla ABŞ-ın "Apple" şirkəti tutub. İkinci yerdə bazarın 21,6 faiz payını əhatə edən Çinin "Huawei Technologies" şirkəti qərarlaşıb. Üçüncü yerdə 8,5 faiz paya malik "NEC/Lenovo", ondan sonrakı yerdə isə 5,4 faiz payla "Asustek Computer" şirkətləridir.
 
Kommersiya istifadəsinə yönəldilmiş planşetlərin tədarükü əhəmiyyətli dərəcədə azalıb. Bunun səbəbi odur ki, bəzi şirkətlər öz işlərində interfeysin optimallaşdırılmasına, əlavə proqram təminatının alışına və sistem mühafizəsinin ödənişinə əlavə vəsait xərcləmək istəmirlər.
 
Analitiklər hesab edirlər ki, planşet bazarı seqmentinə təhsil üçün nəzərdə tutulan cihazlar təkan verə bilər.

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/interest/533458.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR