Yarpaq dolması Azərbaycan mətbəxinin əsas yeməklərindən biridir. Bu dolmanın tərkibi digər dolmalardan biraz fərqlidir.
Metbuat.az yarpaq dolmasının hazırlanma qaydasını təqdim edir:
Tərkibi:
Qoyun əti (mal əti)
Düyü
Baş soğan
Göyərti (keşniş, şüyüd və nanə)
Ərimiş yağ
Duz, istiot
Üzüm yarpağı
Hazırlanması:
Qoyun ətinin yumşaq hissəsi baş soğanla birlikdə ətçəkən maşından keçirilir. Qiyməyə düyü, göyərti (keşniş, şüyüd və nanə), duz, istiot vurulur. Duza qoyulmuş üzüm yarpağından istifadə edirsinizsə, bükməzdən əvvəl suya tutun ki, duzu getsin. Təzə yarpaqdan dolma bükəndə mütləq ətə duz vurun. Daha sonra hazırladığınız qiymədən yarpağın ortasına qoyub bükün və qazana yığın. Üzərinə su töküb bişirin. Süfrəyə qatıqla, limonla servis edə bilərsiniz.
Nuş olsun!
Aysel Yaqubqızı / Metbuat.az
