Aralıq dənizində miqrantları daşıyan qayıq Tunis Hərbi-Dəniz Qüvvələrinə məxsus hərbi gəmi ilə toqquşub.
APA-nın məlumatına görə, bu barədə “Tunis Afrique Presse” agentliyi xəbər verib.
Hadisə nəticəsində azı 34 nəfər ölüb. Ötən gün xilasedicilər 16 nəfərin meyitini sudan çıxarıblar.
Ərazidə axtarış-xilasetmə əməliyyatı davam edir. Tunisin müdafiə nazirliyi qəzanın səbəblərini araşdırır.