Mütəxəssislər həftədə ən az 2 dəfə sulu yemək yeməyi məsləhət görür.
Metbuat.az bu dəfə Azərbaycanın milli yeməklərindən olan toyuq şorbasının hazırlanma qaydasını təqdim edir.
Lazım olan ərzaqlar:
150 qr toyuq əti
25 qr düyü
20 qr ərinmiş yağ
20 qr noxud
20 qr baş soğan
20 qr alça və gavalı
10 qr şüyüd
Duz, istiot, zəfəran
Hazırlanmasına gəldikdə isə, toyuqlu bulyon ələkdən süzülür. Düyü bulyonda bişirilir, üzərinə yağda qızardılmış soğan qatılıb hazır olmasına 15 dəqiqə qalmış ayrıca bişirilmiş noxud, alça və ya gavalı qurusu əlavə edilir. Sonra üzərinə dilim şəklində doğranmış bişirilmiş toyuq əti və doğranmış şüyüd əlavə edilir, 1-2 dəqiqə qaynadılır. İsti halda içilir.
Nuş olsun!