Azərbaycan Xarici işlər naziri Elmar Məmmədyarovla ATƏT-in Minsk Qrupunun həmsədrləri arasında Moskvada keçirilən görüş başa çatıb.
XİN-in mətbuat xidmətinin rəhbəri Hikmət Hacıyev Metbuat.az-a verdiyi məlumata görə, görüş konstruktiv və substantiv xarakter daşıyıb: “Ermənistan-Azərbaycan, Dağlıq Qarabağ münaqişəsinin həlli üzrə danışıqlar masasında olan bütün təkliflər üzrə konkret müzakirələr aparılıb. Azərbaycan tərəfi aparılmış müzakirələrdən razıdır”.
XİN rəsmisi bildirib ki, Azərbaycan Respublikası Ermənistan-Azərbaycan, Dağlıq Qarabağ münaqişəsinin tezliklə həlli və regionda davamlı sülhün və sabitliyin təmin olunması üçün substantiv, məntiqi və konkret danışıqları daim dəstəkləyir.
Günay Elşadqızı / METBUAT.AZ
“Azərbaycan qanunları qarşısında cavab verəcəklər” - Millət vəkili