Türkiyə-Suriya sərhədində türk hərbçisi şəhid olub.
APA-nın “Anadolu” agentliyinə istinadən verdiyi xəbərə görə, əsgər Kilis vilayətinin Gülbaba kəndi yaxınlığında terrorçularla atışma zamanı həlak olub.
Qeyd edək ki, yanvarın 21-dən Türkiyə Baş Qərargahı Afrin bölgəsində "Zeytun budağı" əməliyyatı başladığını, hərbi əməliyyatda məqsədin bölgənin PKK terror təşkilatının Suriya qolu PYD/YPG, İŞİD və digər terror təşkilatlarından təmizləmək olduğunu bəyan edib. Bir gün sonra isə Türkiyə ordusu Suriyanın Afrin bölgəsində quru əməliyyatına başlayıb.