​​​​​​​Rusiyanın məhvi PLANI, Azərbaycan sərhədlərində MÜHARİBƏ… - HƏFTƏNİN SİYASİ XÜLASƏSİ

Azərbaycan və Ermənistan xarici işlər nazirləri prinsipcə ATƏT-in şəxsi nümayəndəsinin ofisinin genişləndirilməsinə dair həmsədrlərin tamamlanmış konseptual sənədləri ilə razıdırlar. Həftə ərzində dünyanın ən çox diqqətində olan hadisələrdən biri Suriyanın Afrin bölgəsində aparılan "Zeytun budağı" əməliyyatı oldu. Suriya hökumətinə bağlı qüvvələr Afrinə girməyə çalışsa da, Türkiyə bu cəhdin qarşısını alıb. Türkiyə prezidenti qarşıdakı günlərdə Afrin şəhəri mühasirəyə alınacağını bildirib. Türkiyə ilə Cənubi Kipr və Yunanıstan arasında Şərqi Aralıq dənizində uzun müddətdir yaşanan gərginlik yeni bir mərhələyə keçib. Avropa İtttifaqı Rusiya və Ukrayna vətəndaşları barəsində sanksiyaların müddətini uzadacaq. Moskva Qərbin Suriyada “B planı” həyata keçirmək cəhdində ittiham edib. KXDR-ə qarşı yeni genişmiqyaslı sanksiyalar tətbiq edilib.

Azərbaycan, Dağlıq Qarabağ

XİN-nin mətbuat xidmətinin rəhbəri Hikmət Hacıyev Ermənistan prezidentinin Azərbaycanın işğal edilmiş ərazilərində yaradılmış qondarma rejimə ünvanladığı təbriki şərh edib.

XİN Sarkisyanın təbrikini şərh edib: "Melkonyandan..."

ATƏT-in Minsk Qrupu həmsədrlərinin Ermənistan və Azərbaycan XİN rəhbərlərinin Krakov görüşünə dair yaydığı bəyanatda vurğulanır ki, nazirlər prinsipcə ATƏT-in şəxsi nümayəndəsinin ofisinin genişləndirilməsinə dair həmsədrlərin tamamlanmış konseptual sənədləri ilə razıdırlar. ATƏT sədrinin şəxsi nümayəndəsi Anjey Kaspişikin sözlərinə görə, tərəflər tez bir zamanda sənəd üzərində işlərin yekunlaşdırılmasına dair arzularını ifadə ediblər.

Kaspişik: "Məmmədyarov və Nalbandyan bu sənədlə razıdır”

İşğalçı Ermənistanda 2016-cı il dördgünlük aprel müharibəsində aldığı zərbələri uzun müddət yaddan çıxmayacaq. Siyasətşünaslıq elmləri doktoru Levon Şirinyanın Ermənistan mediasına dedikləri də bunu sübut edir. Levon Şirinyanın sözlərinə görə, aprel müharibəsində itirilən Lələ Təpə rəqib üçün rahat mövqe ola bilər və onu qaytarmaq lazımdır.

Ermənistanın Azərbaycana qarşı ŞOK PLANI - Şirinyan hər şeyi BİR-BİR AÇDI

Ermənistanın “Adi soyqırım” təşkilatının rəhbəri Marina Qriqoryan Azərbaycanın keçmiş prezidenti Ayaz Mütəllibov və Milli Qəhrəman Şahin Tağıyevin beynəlxalq axtarışa verilməsini təklif edib. Qriqoryanı belə təkliflə çıxış etməsinə səbəb Azərbaycan Baş Prokurorluğunun Ədalət və Demokratiya Naminə Avropa Erməni Federasiyasının rəhbəri Kaspar Karampetyanın Ermənistan-Azərbaycan sərhədini qanunsuz keçdiyinə görə cinayət məsuliyyətinə cəlb edilməsi barədə qərarı səbəb olub.

Türkiyə, İran, Yaxın Şərq

Fevralın 19-da Türkiyə prezidenti Rəcəb Tayyib Ərdoğanla rusiyalı həmkarı Vladimir Putin arasında telefon danışığı olub. Telefon söhbətində Afrin və İdlibdəki hadisələr müzakirə olunub.

Türkiyə prezidenti Rəcəb Tayyib Ərdoğanla rusiyalı həmkarı Vladimir Putin arasında dünən baş tutan telefon tanışıqlarının yeni detalları ortaya çıxıb. Rusiya lideri Ərdoğana Afrin mövzusunda təminat verib.

Xəbərə görə, Ərdoğan Suriya ordusunun Afrinə girəcəyi halda, bunun ağır nəticələrinin olacağını bildirməsindən sonra, Putin “belə bir şey olmayacaq” şəklində cavab verib.

“Bu yaz həm terror təşkilatları, həm də onları dəstəkləyənlər üçün çox isti keçəcək. Əvvəl Münbiçi təmizləyəcəyik, sonra da “Fərat Qalxanı” bölgəsini təhlükəsiz vəziyyətə gətirənə kimi yolumuza davam edəcəyik. Biz bu yola baş qoyduq, bu yolda başını qurban verməyə hazır olanlar varsa, “meydana gəlin” deyirik”. Bunu Türkiyə prezidenti Rəcəb Tayyib Ərdoğan Ədalət və İnkişaf Partiyasının (AKP) vilayət liderləri ilə görüşündə deyib.

“Bölgədəki əsas strateji təpələr böyük ölçüdə terrorçulardan təmizlənib. Əməliyyatın bundan sonrakı hissəsinin daha sürətlə davam edəcəyini gözləyirik. Afrinin şəhər mərkəzi tezliklə mühasirəyə alındıqdan və terrorçuların ətrafla təması kəsildikdən sonra yeni bir strategiya ilə hərəkat edəcəyik”, - Ərdoğan söyləyib.

Fevralın 20-də Hələbdən yola çıxan Suriya hökumətinə bağlı qüvvələr Afrinə girməyə başlayıb.

Əsədin ordusu AFRİNƏ BELƏ GİRDİ - Türkiyə ilə Suriya arasında dəhşətli MÜHARİBƏ BAŞLANIR (YENİLƏNDİ)

Suriya hökumətinə bağlı qüvvələrin Afrinə daxil olduğu barədə xəbərin yayılmasından dərhal sonra bölgədə hərəkətlilik artdı. Türk qırıcıları Bəşər Əsəd rejiminə bağlı güclərin girdiyi bölgəni bombalamağa başlayıb. Türkiyə qırıcılarının aviazərbələri və top atəşləri ilə edilən xəbərdarlıqdan sonra, rejim tərəfdarı qüvvələri Afrinin şəhərinə 10 kilometr qalmış geri çəkiliblər. Onların Afrin sərhədlərindən geri çəkildiyi bildirilir.

“Bəşər Əsəd rejimi ilə YPG arasında iddia edildiyi kimi bir razılaşma yoxdur”. Bunu mətbuat konfransında Türkiyə prezidenti Rəcəb Tayyib Ərdoğanın sözçüsü İbrahim Kalın deyib.

İ.Kalın əlavə edib ki, hər hansı razılaşma olsa belə, Türkiyə “Zeytun budağı” əməliyyatına əvvəlki şəkildə davam edəcək. Prezidentin sözçüsü xəbərdarlıq edib ki, rejimin və ya digər ünsürlərin bu addımları çox ciddi nəticələrə səbəb ola bilər. Ankaranın rəsmi Dəməşqlə təmasının olmadığını deyən İ. Kalın qeyd edib ki, zaman-zaman bəzi mesajlar İran və ya Rusiya üzərində çatdırılır.

Dəməşq və YPG Afrinlə bağlı danışıqlar aparsa da, razılaşa bilməyiblər. Bunu Türkiyənin baş nazirinin müavini və hökumət sözçüsü Bəkir Bozdağ bildirib.

“Türkiyə bölgədəki terror təşkilatları və terrorçuları təmizləyənə kimi, bu mübarizə davam edəcək. Əgər rejim qüvvələri formanı dəyişdirərək YPG/PYD sifəti ilə Afrinə girərsə, onlar da hədəfdir. Bunu etmək istəyən heç kimə fərq qoyulmayacaq”, - hökumət sözçüsü deyib.

Suriya hökumətinə bağlı qüvvələrin Türkiyənin “Zeytun budağı” əməliyyatı keçirdiyi Afrinə daxil olması barədə xəbər gündəmi bir anda dəyişdi. Türkiyə prezidenti Rəcəb Tayyib Ərdoğanın sözçüsü İbrahim Kalın mətbuat konfransında Dəməşq və Afrindəki YPG terrorçuları arasında razılaşmanın olmadığını bildirsə də, razılaşma ehtimalı da nəzərdən keçirilir. Belə bir razılaşma olsa, Türkiyə hansı strategiya ilə hərəkət edəcək?

Türk düşmənlərinin KÖKÜ KƏSİLƏCƏK: Ankaranın strategiyasında 3 VACİB İSTİQAMƏT

Türkiyənin Xarici İşlər Nazirliyinin sözçüsü Hami Aksoy Ankaranın Dəməşqlə görüşməsi iddialarını qiymətləndirib. O, Suriya ilə siyasi danışıqların olmadığını, amma kəşfiyyat görüşlərinin ola biləcəyini deyib.

Afrində keçirilən “Zeytun budağı” əməliyyatını qiymətləndirən Hami Aksoy “PKK/PYD ya çəkiləcək, ya da çəkiləcək, başqa alternativ müzakirə mövzusu deyil” söyləyib.

Qeyd edək ki, daha əvvəl Rusiyanın Xarici İşlər Nazirliyinin başçısı Sergey Lavrov Türkiyənin təhlükəsizlik maraqlarının Suriya hökumətiylə dialoq vasitəsilə tamamilə təmin edilə biləcəyini bildirib.

“Qarşıdakı günlərdə Afrin şəhəri mühasirəyə alınacaq. Beləliklə, həm şəhərə, həm də bölgəyə gələn yardımların qarşısı kəsiləcək”. Bunu ölkə prezidenti Rəcəb Tayyib Ərdoğan fevralın 20-də Ədalət və İnkişaf Partiyasının (AKP) qrup toplantısında bildirib.

Ərdoğan Afrinin mühasirəyə alınacağı tarixi açıqladı

“Rusiyada əmindir ki, Türkiyənin təhlükəsizliyinin maraqları Suriya hökumətiylə dialoq vasitəsilə tamamilə təmin edilə bilər”. Bunu Xavaca Məhəmməd Asiflə görüşdən sonra keçirilən mətbuat konfransında deyib.

Afrin məsələsi Suriyanın ərazi bütövlüyü çərçivəsində həll edilməlidir.

Suriya prezidenti Bəşər Əsədlə dialoqun qurulmasının vacibliyi ilə bağlı Moskvadan Türkiyəyə ünvanlanan mesajlar bir-birini əvəz edir. İki gün əvvəl Rusiyanın xarici işlər naziri Sergey Lavrov bildirmişdi ki, Türkiyənin təhlükəsizlik maraqları Suriya hökumətiylə dialoq vasitəsilə tamamilə təmin edilə bilər.

“Beynəlxalq Avrasiya hərəkatı”nın rəhbəri, politoloq, Kremlin ideoloqu hesab edilən Aleksandr Duqin Türkiyənin “Aydınlıq” qəzetinə müsahibəsində sözügedən mesajı təkrarlayıb. Duqinin sözlərinə görə, Türkiyənin Suriyanın Afrin bölgəsində həyata keçirdiyi “Zeytun budağı” əməliyyatında hərbi müvəffəqiyyət Dəməşqlə əməkdaşlıqla daha da gücləndirilə bilər.

“Ərdoğan bunu etməlidir, əks halda...” – Moskvadan müharibənin ssenarisini YENİDƏN YAZACAQ TƏKLİF

“Rusiya ABŞ-ı Suriyada odla oynamamağa çağırır”. Bunu Rusiyanın Xarici İşlər Nazirliyinin başçısı Sergey Lavrov "Valday" diskusiya klubunda "Yaxın Şərqdə Rusiya: bütün sahələrdə oyun" konfransında deyib.

Onun sözlərinə görə, söhbət Suriyanın müstəqilliyi və ərazi bütövlüyünü saxlamaq ehtiyacından gedirsə, Rusiya bu ölkəni parçalamaq cəhdlərini sakitcə müşahidə edə bilməz.

“Qoşunlarınızı dərhal çıxarın!” - Moskvadan ABŞ-a TƏLƏB

Qərb Suriya üzrə Cenevrə prosesinin əvəzinə rejimin dəyişməsi üzrə plana keçmək istəyir. Bunu Rusiyanın xarici işlər naziri Sergey Lavrov serb həmkarı İvitsa Daçiçlə Belqradda görüşdən sonra keçirilən mətbuat konfransında deyib.

Qərb Türkiyəyə qarşı “B planı”nı işə saldı – Lavrovdan SOS

Ankarada hökumət mənbələri son aylarda ABŞ-ın yeni bir planı haqqında danışmağa başlayıblar. PKK-nın ləğv edilərək PYD-nin çətiri altına daxil edilməsi planlaşdırılır.

Plan ABŞ və Avropa İttifaqı ölkələrini “PKK terror təşkilatı ilə əməkdaşlıq edən tərəf” olmaqdan xilas etmək məqsədi daşıyır. Hökumətdə yer alan nazirlərdən birinin sözlərinə görə, ortamüddətli perspektivdə PKK-nın ləğvi müzakirə edilir.

ABŞ-ın təklifinin PƏRDƏARXASI – Türkiyəyə qarşı xain plan ORTAYA ÇIXDI

Suriyada Türkiyə ilə ABŞ arasında silahlı qarşıdurma riski hər keçən gün artır. Bu barədə “Nəşnl İnterest” nəşri məlumat yayıb. Bildirilib ki, ABŞ administrasiyası Suriya siyasətinə yenidən nəzər yetirməlidir:

“ABŞ kürdlərə aktiv şəkildə dəstək verir. Belə olan halda Ankara ilə Vaşinqtonun qarşı-qarşıya gəlməsi qaçılmaz olacaq. ABŞ Suriyadakı həqiqətləri qəbul etməlidir”.

Suriya ordusuna qarşı hərbi güc tətbiq edə bilərik. Bunu Çikaqo Universitetində çıxışı zamanı ABŞ-ın BMT-dəki Daimi Nümayəndəliyinin rəhbəri Nikki Heyli söyləyib.

“Biz böhranın hərbi yolla həllini istisna etmirik. Biz Suriya konfliktinin mərkəzində olmaq istəmirik, amma bütün mümkün olanları etmək niyyətindəyik ki, insanların kimyəvi hücum təhdidindən qoruya bilək. ABŞ Moskvanın Prezident Bəşər Əsədi müdafiə etməkdən imtinası üçün Rusiyaya təzyiqlərini davam etdirir”, – deyə o bildirib.

“Suriyanın şərqində bizimlə çalışan bəzi güclərin (söhbət PKK/YPG terror təşkilatından gedir –red.) Afrinə getdiyini görürük”. Bunu ABŞ Dövlət Departamentinin rəsmi nümayəndəsi Hizer Noyert mətbuat konfransında söyləyib.

“Suriyanın şərq hissəsində İŞİD terror təşkilatına qarşı döyüşən güclər Afrinə doğru hərəkət edirlər. Afrində baş verənlər diqqəti İŞİD-ə qarşı mübarizədən yayındırır”, - o deyib.

Qeyd edək ki, Türkiyə Silahlı Qüvvələri və Azad Suriya Ordusu Suriyanın Afrin bölgəsində yanvarın 20-dən “Zeytun budağı” əməliyyatı həyata keçirir. YPG Afrindəki itkiləri Suriyanın digər bölgələrindəki döyüşçülərin hesabına kompensasiya etmək istəyir. Artıq YPG-nin Afrinə keçən bir neçə qrupu qeydə alınıb. Onların bir hissəsi isə Türkiyə Silahlı Qüvvələri tərəfindən aşkarlanaraq məhv edilib.

Türkiyə ilə Cənubi Kipr və Yunanıstan arasında Şərqi Aralıq dənizidə uzun müddətdir yaşanan gərginlik yeni bir mərhələyə keçib. Türkiyə Dəniz Qüvvələri Kipr yunanlarının neft axtarışları həyata keçirmək istədiyi 3-cü bölgədəki fəaliyyətini martın 10-na kimi uzadıb.

Türkiyə gəmiləri döyüş vəziyyətinə gətirildi – Prezident hökuməti TƏCİLİ TOPLADI

Türkiyə ilə Cənubi Kipr və Yunanıstan arasında Şərqi Aralıq dənizində uzun müddətdir yaşanan gərginlik son günlər daha da artıb. Qaz axtarışları üçün Cənubi Kipr sahillərinə göndərilən İtaliyanın ENİ şirkətinə aid “Saipem 12000” gəmi-platformanın Türkiyənin döyüş gəmilərindən biri ilə toqquşmadan son anda yayına bildiyi ortaya çıxıb.

Müharibəyə səbəb olacaqdı – Hadisənin təfərrüatları ORTAYA ÇIXDI

Bazar ertəsi gecəsi İsrail “Hes-3” (“Ox-3”, “Arrow-3”) kosmosda ballistik raketləri məhv edə bilən böyük hərəkət radiuslu raket əleyhinə kompleksi sınaqdan keçirib. Bu haqda ölkənin Müdafiə Nazirliyinin məlumatında deyilir.

Sınaq İsrail Hərbi-hava Güclərinin rəhbərliyi altında “Israel Aerospace Industries” konserninin mərkəzi bazasında keçirilib. Kompleksin işə salınması ABŞ-ın nümayəndələrinin iştirakı ilə baş turub. Həmçinin, Raket əleyhinə müdafiə üzrə Amerika Agentliyi kompleksin hazırlanmasında iştirak edirdi.

Müdafiə Nazirliyinin məlumatlara görə, “Hes-3” kompleksi sınağın gedişatında öz vəzifəsini yerinə yetirib.

Qeyd edək ki, ekspertlər gələcəkdə müharibələrdə kosmosda üstünlüyün həlledici olacağını bildirirlər.

İsrail və ABŞ-dan yeni sınaq - Dünya kosmos müharibələrinə BİR ADDIM DA YAXINLAŞDI

İsrailin bu il hansısa savaşa başlaması ehtimalı əvvəlki dövrlərdən daha yüksəkdir. Bunu jurnalistlərə açıqlamasında İsrail generalı Nitzan Alon söyləyib. Onun sözlərinə görə, Suriyadakı strateji dəyişikliklər İsrail ordusunun hazırlıq səviyyəsinin artırılmasını tələb edir:

“İsrailin şimalında cari ildə müharibə ehtimalı böyükdür. İran və Hizbullah tərəfindən dəstəklənən Suriya Prezidenti Bəşər Əsədin qələbələr qazanması bu savaş ehtimalını daha da artırır. Əsəd artıq müttəfiqlərinin yardımı ilə ölkənin 80%-də nəzarəti təmin edib”.

ABŞ prezidenti Donald Trampın Yaxın Şərq probleminin nizama salınması üzrə planı demək olar ki, başa çatdırılıb. Bunu ABŞ-ın BMT-dəki daimi nümayəndəsi Hikki Heyli Çikaqo Universitetinin Siyasət İnstitutunda çıxışında bildirib.

O əlavə edib ki, israillilər və fələstinlilər “planı sevməyəcəklər, həm də ona nifrət etməyəcəklər”.

“Administrasiya planı bitirir. Onu tezliklə təqdim edəcəklər. Planı münaqişə tərəflərindən heç biri sevməyəcək, həm də ona nifrət etməyəcək”, - diplomat deyib.

Heylinin sözlərinə görə, Trampın məsləhətçisi Cared Kuşner və beynəlxalq danışıqlar üzrə ABŞ-ın xüsusi nümayəndəsi Ceyson Qrinblatt hələ bir neçə variant arasında tərəddüd edir.

ABŞ-ın İsraildəki səfirliyinin Qüdsə köçürüləcəyi tarix açıqlanıb. ABŞ rəsmiləri bu addımı İsrailin müstəqilliyini əldə etməsinin 70-ci ildönümü olan mayın 14-də atılacağını qeyd ediblər.

Birləşmiş Ştatlar İranla uzunmüddətli münaqişəyə hazırdır. ABŞ prezidentinin milli təhlükəsizlik məsələləri üzrə məsləhətçisi Herbert Makmasterin sözlərinə görə, 2018-ci ilin birinci yarısı islam respublikasına hücum etmək üçün əsl vaxtdır. Amma Vaşinqton üçün bir problem var. Vaşinqtona Avropa İttifaqının köməyi lazımdır.

Amma avropalılar İranla ticarət etməyə və duşmənçilik etməməyə üstünlük verirlər. Avropa İttifaqının mövqeyi Vaşinqtonda qıcıqlanmaya səbəb olur.

Azərbaycan sərhədlərində MÜHARİBƏ BAŞLAYIR – Ağ Ev tarixini ELAN ETDİ

ABŞ İranla arasındakı fikir ayrılığının sona çatması üçün Tehrana neytral ərazilərdə birbaşa danışıqlar keçirməyi təklif edib. Bu barədə informasiyanı Küveytin “Al Jarida” qəzeti yayıb.

Amerikalılar danışıqlar üçün Omanın paytaxtı Maskat və İsveçrənin Cenevrə şəhərini təklif ediblər. Vaşinqton əvvəlcə Tehrandan İran həbsxanalarındakı ikili vətəndaşlığı olan şəxslərin azadlığa buraxılmasının müzakirəsini istəyib, lakin sonradan öz təklifini dəyişdirərək, bütün mübahisəli məsələlərin məxfi şəkildə müzakirəsini istəyib. İran tərəfi isə ABŞ-a etibarının tam itdiyini bildirib və onunla müzakirələrdən imtina edib.

ABŞ, Rusiya, Qərb-Rusiya münasibətləri

“Qərb söz verdi ki, NATO Şərqə irəliləməyəcək, amma “soyuq müharibə”dən sonra əldə olunan “dəmir” razılaşmaları pozdu”. Bunu Rusiyanın Xarici İşlər Nazirliyinin başçısı Sergey Lavrov Serbiyanın BETA agentliyinə müsahibəsində bildirib.

“Qərb bütün vədlərin əksinə, NATO-nun genişləndirilməsinin xeyrinə seçim etdi. 1990-cı illərdə ABŞ və Avropa ölkələrinin rəhbərləri tərəfindən söz verilirdi ki, ittifaq Şərqə irəliləməyəcək”, - o deyib.

“Qərb 1990-cı illərdə Rusiyaya söz verdi ki...” – Lavrov ARXİVİ AÇDI

Rusiya kiçik və orta mənzilli raketlərin ləğvi haqqında razılaşmanı pozur. Bunu “Bild” qəzetinə müsahibəsində NATO Baş katibi Yens Stoltenberq söyləyib. Onun sözlərinə görə, bu, Avropada nüvə silahı yarışına səbəb olacaq:

“Bu müqavilə Avropanın təhlükəsizliyinin əsas dayaq sütunudur. Bu müqavilə on illər ərzində Mərkəzi Avropada sülhü təmin edib. Rusiya kiçik və orta mənzilli raketlərin ləğvi haqqında müqaviləyə əməl etməlidir”.

“Rusiya orta və kiçik mənzilli raketlərin ləğv edilməsi haqqında müqaviləninin şərtlərinə riayət edəcəyi halda, ABŞ dəniz bazalı nüvə döyüş başlıqlı qanadlı raketlərindən imtina edəcək”. Bu haqda ABŞ müdafiə nazirinin nüvə və raket müdafiə siyasəti məsələləri üzrə köməkçisi Robert Sufer bildirib.

ABŞ-dan Moskvaya ŞƏRT: “Nüvə başlıqlı raketlər...”

“ABŞ, Rusiyadan fərqli olaraq, ani qlobal zərbə konsepsiyası çərçivəsində kosmik məkandan hərbi hədəflər üçün istifadə üzrə layihələrə malikdir”. Bunu ABŞ prezidentinin milli təhlükəsizlik üzrə köməkçisi Herbert Makmasterin fikirlərini şərh edən “Vətən Arsenalı” jurnalının kommersiya direktoru, hərbi ekspert Aleksey Leonkov deyib.

Rusiyanın məhvi PLANI HAZIRDIR – Ruslar xilas olmağın mümkünsüzlüyünü ETİRAF ETDİ

ABŞ Prezidenti Donald Tramp təsdiq edir ki, Rusiya təkcə 2016-cı il prezident seçkisinə müdaxilə etməyə cəhd etməyib, o, faktiki olaraq seçkiyə müdaxilə edib. Bunu jurnalistlərə açıqlamasında Ağ Evin mətbuat katibi Sara Sanders söyləyib.

“Rusiyanın seçkiyə müdaxiləsi aydındır. Aydın olan digər məqam odur ki, Trampın qərargahı rusiyalılarla heç bir gizli razılığa gəlməyib”, – deyə o bildirib.

Moskva “Müller siyahısı”na qarşı cavab addımları atacaq. Bunu jurnalistlərə açıqlamasında Rusiya Xarici İşlər nazirinin müavini Sergey Ryabkov söyləyib. Onun sözlərinə görə, artıq bəzi şəxslərin Rusiyaya girişi yasaqlanıb.

Qeyd edək ki, bundan öncə ABŞ-ın xüsusi prokuroru Robert Müller 13 Rusiya vətəndaşını və 3 rus şirkətini ABŞ-dakı seçkilərə müdaxilə ittihamı ilə Vaşinqtonun qara siyahısına salıb.

Rusiyaya qarşı yeni sanksiyalar tətbiq oluna bilər. Bunu CBS televiziyasına müsahibəsində ABŞ Dövlət katibi Reks Tillerson söyləyib.

“Biz Konqresin qəbul etdiyi qərarla bağlı artıq bir neçə addım atmışıq. Vaşinqton xüsusilə Rusiyanın satmaq istədiyi hərbi texnika ilə bağlı bir neçə müqavilənin ləğvinə nail olub. Biz daha bir neçə şəxsə qarşı sanksiyalar tətbiq edə bilərik”, – deyə o bildirib.

ABŞ digər ölkələrin hökumətlərinə Rusiya silahlı qüvvələri ilə hərbi sahədə böyük sövdələşmələr bağlayacaqları təqdirdə onlara qarşı sanksiyaların tətbiq oluna biləcəyi barədə xəbərdarlıq edib. Dövlət Departamentinin mətbuat xidmətinin rəhbəri Hizer Noyertin sözlərinə görə, Amerika administrasiyası hesab edir ki, Rusiya, İran və Çinə qarşı sanksiyaların sərtləşdirilməsi barədə yeni qanunun tətbiqi sayəsində Moskvanın xarici kontragentlərlə 3 milyard dollardan çox məbləğdə müxtəlif sövdələşmələr imzalamasının qarşısını almaq mümkün olub.

Avropa İtttifaqı Rusiya və Ukrayna vətəndaşları barəsində sanksiyaların müddətini uzadacaq. Bu haqda Avropa İttifaqındakı mənbə bildirib.

Məlumata görə, Avropa İttifaqına üzv ölkələrin daimi nümayəndələri sanksiyaların müddətinin uzadılmasını uyğunlaşdırıblar. Qərarın 2018-ci il martın 12-də qəbul edilməsi planlaşdırılır. Əvvəlki sanksiyaların müddəti martın 15-də bitir.

Xatırladaq ki, Rusiya və Ukrayna vətəndaşlarına (Donetsk və Luqansk “xalq respublikaları”nın rəhbərləri –red.) 2014-cü ilin martında qəbul edilib. Həmin şəxslər Ukraynanın ərazi bütövlüyü və müstəqilliyini pozmaqda ittiham olunublar. Sanksiyaların müddəti hər 6 aydan bir uzadılır.

Ukrayna

Ukrayna prezidenti Pyotr Poroşenko ona ölkədə hərbi vəziyyəti elan etməyə icazə verən “Donetsk və Luqansk vilayətlərində müvəqqəti işğal edilmiş ərazilərdə Ukraynanın dövlət müstəqilliyinin təmin olunması üzrə dövlət siyasətinin xüsusiyyətləri Haqqında” (Donbasın reinteqrasiyası - red.) qanunu imzalayıb. Ali Rada qanunu fevralın 18-də ikinci oxunuşda qəbul etmişdi.

Poroşenko Rusiyaya müharibə elan EDƏ BİLƏR – SON DƏQİQƏ

Kreml nəzarətində olan KİV-lərə və siyasi texnoloqlara mifik “Novorossiya” mövzusunu tədricən dirçəldilməsi barədə təlimat verib. Bu haqda öz bloqunda “Donetsk Xalq Respublikası” (“DXR”) terrorçularının keçmiş başçısı, Rusiya diversantı İqor Qurkin (Strelkov) öz mənbələrinə istinad edərək yazıb.

“”Novorossiya” terminini zibil səbətindən çıxartmaq və onu yenidən hərəkətə gətirmək əmri verilib”, - terrorçu qeyd edib. Onun sözləri görə, yaxın gələcəkdə hadisələrin inkişafının iki mümkün variantı gözlənilir.

Kreml iki şərt qarşılığında kapitulyasiya HAZIRDIR

“Dövlət administrasiyası faktiki olaraq Moskvanı razılaşmağa çağırır ki, BMT-nin sülhməramlıları Donbasda işğal ordusu rolunu oynasınlar və onu nəlbəkidə Kiyev rejiminə versinlər. Nəticədə, Kiyev Donbasda çoxdan nəzərdə tutulmuş təmizləməni həyata keçirəcək”. Bunu ABŞ-ın Dövlət Departamentinin bəyanatını şərh edən Rusiyanın Federasiya Şurasının üzvü Aleksey Puşkov bildirib. O qeyd edib ki, belə sxem qeyri-mümkündür və Dövlət Administrasiyası bunu vaxtında anlamalıdır.

Moskva ABŞ-ın ssenarisini RƏDD ETDİ

Rusiya xüsusi xidmət orqanları yaxın zamanlarda Ukrayna Provaslav Kilsəsinin dini təşkilatlarından provokasiya, dini məbədlərin ələ keçirilməsi üçün istifadə edəcək. Bunu jurnalistlərə açıqlamasında Ukrayna Təhlükəsizlik Xidmətinin rəhbərinin müavini Viktor Kononenko söyləyib.

“Onlar Ukraynadakı dini məbədləri ələ keçirməyi planlaşdırırlar. Bununla onlar Ukrayna Provaslav Kilsəsinə inananlar arasında konflikt yaratmaq istəyirlər”, – deyə o bildirib.

Koreya böhranı

ABŞ-ın vitse-prezidenti Mayk Pens Cənubi Koreyada keçirilən Qış Olimpiya oyunları zamanı Şimali Koreyadan olan rəsmilərlə tarixi bir görüş keçirilməsi üçün təşəbbüs göstərsə də, Kim Çen rejimi son anda görüşü ləğv edib. Bu barədə ABŞ Dövlət Departamentinin rəsmi nümayəndəsi Hizer Noyert danışıb.

Noyert Şimali Koreyadan olan rəsmilərin görüşə son anda etiraz etdiyi üçün təəssüfləndiklərini bildirib.

ABŞ fevralın 23-də Şimali Koreyaya qarşı sanksiyaları genişləndirib. Bu barədə ABŞ Maliyyə nazirliyinin məlumatında bildirilir.

Məlumata əsasən, sanksiya siyahısına 1 fiziki şəxs, 27 şirkət və 28 gəmi əlavə edilib.

“Qara siyahı”ya KXDR şirkətləri ilə bərabər Çin, Tayvan və Sinqapur şirkətləri də salınıb.

Yanvarın əvvəlində Donald Tramp bildirib ki, Şimali Koreyaya qarşı tətbiq edilən sanksiyalar artıq öz təsirini göstərməyə başlayıb, xüsusi halda, Pxenyan Seulla dialoqa başlamağa məcbur olub.

Ömər Dağlı