"Napoli"nin kapitanı Marek Hamşik karyerasını Çində davam etdirəcək.
Milli.Az xəbər verir ki, Slovakiya yığmasının üzvü "Dalian Yifanq"la bütün detallarda razılığa gəlib.
Təcrübəli yarımmüdafiəçi Super Liqa təmsilçisi ilə 3 illik müqavilə imzalayıb. Onun illik maaşı 9 milyon avro olacaq. Bu keçid Çin klubuna 20 milyon avroya başa gəlib.
Qeyd edək ki, 31 yaşlı futbolçu 2007-ci ildən "Napoli"dən oynayırdı. Hamşik Neapol təmsilçisinin heyətində ən çox oyun (520) keçirən və ən çox qol vuran (121) oyunçudur.
Elçin
Milli.Az
