Bakı - APA. Masallı rayonunda evdə yanğın olub.
APA-nın Fövqəladə Hallar Nazirliyinin (FHN) saytına istinadən verdiyi məlumata görə, Masallı rayonunun Təzəkənd kəndində (rayon mərkəzindən 19 km aralı) vətəndaşa məxsus ümumi sahəsi 72 kvadratmetr olan birmərtəbəli 2 otaqlı evin bir otağı və dəhlizinin yanar konstruksiyaları 36 kv.m sahədə yanıb.
Evin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.