AFFA-nın baş katibi Böyük Britaniyanın Azərbaycandakı səfiri ilə görüşüb

AFFA-nın baş katibi Böyük Britaniyanın Azərbaycandakı səfiri ilə görüşüb
16:02 15 Noyabr 2019
120 Digər
Ölkə mətbuatı
A- A+

Bu gün AFFA-nın inzibati binasında baş katib Elxan Məmmədov Böyük Britaniya Krallığının Azərbaycan Respublikasındakı fövqəladə və səlahiyyətli səfiri Ceyms Şarpla görüşüb.
"Report" milli assosiasiyanın rəsmi saytına istinadən xəbər verir ki, görüşdən məmnunluğunu ifadə edən tərəflər AFFA ilə İngiltərə Futbol Assosiasiyası arasında mövcud olan əməkdaşlığın daha da genişləndirilməsi barədə fikir mübadiləsi aparıb. Qeyd olunub ki, Avropa çempionatının 60 illiyinə həsr olunmuş AVRO-2020-nin təşkil olunacağı şəhərlərlə bağlı Böyük Britaniya ilə Azərbaycan arasında da kəsişmə nöqtələri var. 
Bakı Olimpiya Stadionunda Avropa çempionatının A qrupunun 3 və 1/4 final mərhələsinin 1 oyunu, İngiltərənin paytaxtı Londonda D qrupunun 3, 1/8 final mərhələsinin 1 matçı, hər iki yarımfinal qarşılaşması və final görüşü, Şotlandiyanın Qlazqo şəhərində isə D qrupunun 3 oyunu və 1/8 final mərhələsinin 1 qarşılaşması təşkil olunacaq. Oyunlara hazırlıq prosesinin müzakirə olunduğu görüşdə azarkeşlərin qeyd edilən AVRO-2020 qarşılaşmalarında rahat iştirakının təmin olunmasının vacibliyi vurğulanıb.


Xəbərin orijinal ünvanı: https://report.az/futbol/affa-nin-bas-katibi-boyuk-britaniyanin-azerbaycandaki-sefiri-ile-gorusub

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR