“Ötən günlər” verilişinin aparıcısı Nailə İslamzadə İTV-nin başlatdığı #virusameydanoxuyaq haştaqı ilə kampaniyaya qoşulub.
Publika.az xəbər verir ki, virtual fləşmoba qoşulan Əməkdar incəsənət xadimi oxuduğu “Yarım gəlir asta-asta” mahnısını videoya çəkərək instaqramda paylaşıb. O, estafeti Xalq yazıçısı Çingiz Abdullayevə və aparıcı Rahib Azəriyə ötürüb.
Qeyd edək ki, İTV dünyada yayılmış koronavirus pandemiyasına qarşı pozitiv olmaq və qarşıdan gələn Novruz bayramını yüksək əhval-ruhiyyədə qarşılamaq üçün virusa meydan oxumağı təklif edib.
