Avstraliyanın Adelaida şəhərinin sakini, 5 yaşlı qızın qarnından çıxan nəsnə cərrahları heyrətləndirib.
Milli.Az BMJ-yə istinadən bildirir ki, qızcığaz qarnındakı kəskin ağrılardan şikayətlənirdi. Valideynləri uşağı xəstəxanaya aparanda o zarıyırdı.
İlkin müayinə qızın qarın boşluğunda, daha doğrusu, bağırsaqlarında topanın olduğunu göstərib.
Cərrahiyyə əməliyyatı başlanıb və o, 2 saat davam edib.
Qızın qarın boşluğundan 125 qram ağırlığında saç topası çıxarılıb.
Həkimlərin dediklərinə görə, "Rapunzel sindromu"na düçar olmuş bu uşaq sürəkli saçlarını qırıb yediyi üçün onun qarnında belə topa yaranıbmış.
Milli.Az
