Xalq artisti Ənvər Sadıqov və Əməkdar artist Abbas Bağırovun fevralın 7-də planlaşdırılan konserti təxirə salınıb.
Metbuat.az xəbər verir ki, bu haqda müğənni videoaçıqlama yayıb. O bildirib ki, buna səbəb Türkiyədə baş verən zəlzələdir: "Türkiyədə gördüyüm bu fəlakət hər birimizi sarsıtdı. Bununla bağlı Ənvər Sadıqovun sabaha planlaşdırılan konserti təxirə salınır. Tarix dəyişdiriləcək. Alınan biletlər qüvvədə qalır. Yaxın günlərdə tarixi açıqlayacağıq" - deyə, Abbas əlavə edib.
Qeyd edək ki, konsert Fikrət Əmirov adına Gəncə Dövlət Filarmoniyasında keçiriləcəkdi.
