[ 29 Dekabr 2014 16:07 ]
Bakı. Zümrüd Paşayeva - APA. Yunanıstanda növbədənkənar parlamenti seçkiləri keçiriləcək. APA-nın “Reuters”ə istinadən verdiyi xəbərə görə, Yunanıstan parlamenti səsvermənin üçüncü - son mərhələsində ölkə prezidentini seçə bilməyib. Yeganə namizəd, keçmiş avrokomissar Stavros Dimas lazımi miqdarda səs toplaya bilməyib. O, azı 180 səs tələb olunduğu halda, 168 səs alıb.
Yunanıstan Konstitusiyasına görə, üç turda prezident seçilmədiyi halda erkən seçkiyə gedilməlidir. Seçkilərin 2015-ci il yanvarın 25-də və ya fevralın 1-də baş tutacağı gözlənilir.
