Bakı, 7 yanvar, Nihad Budaqov, AZƏRTAC
Nigeriyanın Nasarava əyalətində əleyhdar qruplar arasında yaranan qarşıdurmada 38 nəfər həlak olub.
AZƏRTAC Anadolu agentliyinə istinadla xəbər verir ki, Fulani qəbiləsindən çobanların Nasarava əyalətində Afo və Udeni Magaji qəbilələrinə təşkil etdiyi hücumlarda 38 nəfər ölüb. Amaku, Agbashi və Oden kəndlərində yaşayan çoxlu sayda sakin qarşıdurmalarla əlaqədar evlərini tərk etmək məcburiyyətində qalıblar.
Nigeriyanın Benu, Plateau, Taraba və Nasarava əyalətlərində əkinə yararlı sahələr və heyvandarlıqla əlaqədar qarşıdurmalara tez-tez rast gəlinir.