Lənkəran Telekommunikasiya Qovşağı balaca bir problemi həll etmək üçün aylardır bir dənə telefon dirəyi tapa bilmir.

Bunu Milli.Az-a Lənkəran Telekommunikasiya Qovşağının və Səpnəkəran kəndində telefon rabitəsinə cavabdeh şəxslərin fəaliyyətsizliyindən şikayət edən Lənkəran rayonu Səpnəkəran kənd sakini Səfalı Qənbərov bildirib.

Onun sözlərinə görə, ötən ilin yayından Səpnəkəran ATS-nə, daha sonra Lənkəran Telekommunikasiya Qovşağına müraciət ediblər. S.Qənbərov deyirk ki, qonşunun telefon xətti evlərinin damından keçdiyindən artıq köhnəlmiş damı təmir edə bilmirlər. Daha doğrusu, bir hissəsini ediblər, bir hissəsi qalıb:

Lənkəran rabitəçilərinin "stolba"sı çatışmır

"Ev anam Nəzakət Qənbərovanın, telefon isə nənəm Tamilla Məmmədovanın adınadır. Qonşunun telefon xətti bizim evin damından keçib. Gəlib baxıblar. Deyiblər ki, problemi həll etmək üçün əlavə telefon dirəyi basdırılmalıdır. Sonuncu dəfə sentyabrın 1-də sizin sayt vasitəsilə şikayətimizdən sonra Lənkəran Telekommunikasiya Qovşağının rəisi Şahlar İsmayılov bildirmişdi ki, guya məsələ sabah həll olunacaq. Onun üstündən artıq 6-cı aydır keçir, amma hələ də bir şey yoxdur. Bir neçə gün əvvəl bir daha məsələ ilə bağlı onlara müraciət etmişik. Deyirlər ki, "stolba" yoxdur, olanda qoyarıq".

Lənkəran rabitəçilərinin "stolba"sı çatışmır

S.Qənbərov qeyd edib ki, onlar bununla bağlı şikayətini hələ aylar öncə Rabitə və Yüksək Texnologiyalar Nazirliyinin "qaynar xətt"inə də bildiriblər.

Lənkəran rabitəçilərinin "stolba"sı çatışmır

Qısa telefon xəttinin uzanmış problemi - YENİLƏNİB - FOTO