Ermənistan Müdafiə Nazirliyi Mərkəzi arxivinin rəisi ölüb.
Metbuat.az virtualaz.org.az-a istinadən bildirir ki, iyulun 5-də saat 23:05 radələrində 46 yaşlı Yerevan sakini Artak Kirakosyan idarə etdiyi "Kia" markalı avtomobillə Tibilisi küçəsinin yol ayrıcında 45 yaşlı Elmira Ananyanı vurub. Bundan sonra, “Kia” yolun hərəkət hissəsində dayanan "Nissan" markalı avtomobilə çırpılıb.
Qəza nəticəsində "Nissan"ın sürücüsü, 18 yaşlı Valentina Sarkisyan, onun sərnişini-45 yaşlı Anna Betxemyan və avtomobilin vurduğu piyada Elmira Ananyan bədən xəsarətləri ilə tibb mərkəzinə aparılıblar.
"Kia"nın sürücüsünə ilk tibbi yardım göstərilsə də, o, xəstəxanaya getməkdən imtina edib.
Məlumata görə, Elmira Ananyan Ermənistan Müdafiə Nazirliyi Mərkəzi arxivinin rəisi olub. O, ayaq nahiyəsindən ciddi xəsarətlər alıb. Xəstəxanadan verilən məlumata görə, reanimasiya şöbəsinə yerləşdirilən Ananyan qısa müddətdən sonra ölüb.
Günün qoroskopu - Xarici görkəminizə fikir verin - Oxumaq üçün tıkla
