Quaydo: "Venesuela hakimiyyəti təlaş içindədir"

Quaydo: "Venesuela hakimiyyəti təlaş içindədir"
05:07 7 Aprel 2019
90 Digər
Ölkə mətbuatı
A- A+

Venesuela müxalifətinin lideri Xuan Quaydo iddia edib ki, ölkə hakimiyyəti təlaş içindədir.
"Report" xəbər verir ki, onun bununla bağlı fikirlərini TVV telekanalı yayımlayıb.
Karakasdakı mitinqdə çıxış edən müxalifət rəhbəri iddia edib ki, onun tərəfdarlarının küçələrə çıxması rəqibləri qorxuya salıb.
"Hakimiyyət təlaş içindədir. "Miraflores" Prezident Sarayı qorxudan əsir, çünki biz küçədəyik. Onlar hələ ki, 4 yaşayış məntəqəsinə nəzarət edirlər, biz bütün ölkə üzrə 358 etiraz nöqtəsi təşkil etdik", - deyə müxalifətin lideri bildirib.
Quaydo həmçinin əlavə edib ki, dövlət əleyhinə mitinqlər və etiraz aksiyaları qurtarmayacaq. O, qeyd edib ki, aprelin 10-da "Azadlıq" əməliyyatının yeni mərhələsi başlanacaq. Lakin siyasətçi bu mərhələdə konkret nəyin nəzərdə tutulduğunu bildirməyib.
Bundan başqa müxalifətçi bildirib ki, şənbə mitinqləri zamanı saxlanan Milli Məclisin deputatları sərbəst buraxılıblar.
"Mənə yenicə bildirdilər ki, onlar deputatlar Noru BraçoRenso Prietunu azad ediblər. Bu küçələrdəki insanların sayəsində oldu, hansılar ki, onları aparmağa imkan verməyiblər", - siyasətçi deyib.
Daha əvvəl Venesuela Milli Müəssislər Məclisinin Hüquq məsələləri üzrə komissiyanın rəhbəri Xulio Qarsia Serpa ölkə televiziyasının efirində müxalifət lideri Xuan Quaydo barəsində cinayət işinin başlandığını bildirib.


Xəbərin orijinal ünvanı: https://report.az/diger-olkeler/quaydo-venesuela-hakimiyyeti-telas-icindedir

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR