Venesuelada qumbara partlayıb.
"Report" TASS-a istinadən xəbər verir ki, bu barədə "Unión Radio" radiostansiyası məlumat yayıb.
Qeyd edilir ki, hadisə paytaxt Karakas şəhəri yaxınlığındakı "Sesilio-Akosta" yaşayış kompleksində qeydə alınıb. Partlayış nəticəsində 2 nəfər həlak olub, daha 10 nəfər yaralanıb.
Hüquq-mühafizə orqanları hadisə ilə bağlı təhqiqata başlayıblar. İlkin məlumata görə, partlayışa döyüş sursatı ilə ehtiyatsız davranma səbəb olub.
