"Liverpul" "Real Madrid"in uruqvaylı ulduzu Federiko Valverdeni heyətinə qatmaq üçün hərəkətə keçib.
Metbuat.az xəbər verir ki, "Liverpul" transferi həyata keçirmək üçün böyük büdcə ayırıb. “Fichajesdə” yer alan xəbərə görə, İngiltərə nəhəngi Valverde üçün 130 milyon avro təklif edib. Bildirilir ki, "Liverpul" Valverdenin bu mövsüm sabit çıxış etməməsindən istifadə etməyə çalışır. Xəbərdə deyilir ki, Valverde Premyer Liqada oynamaq fikrinə açıqdır və “Real Madrid” də onu yüksək təklifə sata bilər.
Bildirilir ki, "Liverpul"un Valverdeni transfer etməsi asan olmayacaq, çünki "Mançester Siti" də futbolçunun hazırkı durumundan yararlanıb onu heyətinə qatmaq istəyir. “Transfermarkt”a görə, Valverdenin transfer dəyəri təxminən 108 milyon funt-sterlinqdir və onun “Real Madrid”lə 2029-cu ilə qədər müqaviləsi var.
