İspaniya Futbol Federasiyası "Xetafe" ilə matçda qırmızı vərəqə alan "Real Betis"in futbolçusu Antoninin cəzasını ləğv edib.
Metbuat.az xəbər verir ki, braziliyalı futbolçu növbəti turda oynanılacaq "Real Madrid"lə matçda meydana çıxa biləcək. Məlumata görə, La Liqanın 25-ci həftəsində "Real Betis" səfərdə "Xetafe"ni 2:1 hesabı ilə məğlub edib. Matçın son anlarında Antoni qırmızı vərəqə alıb. "Real Betis" Antoniyə göstərdiyi qırmızı vərəqə ilə bağlı İspaniya Futbol Federasiyasına müraciət edib. Federasiya “Real Betis”in etirazını qəbul edib və araşdırmaya başlayıb. Nəticədə "Real Betis"in etirazında haqlı olduğu və hakimin ədalətsiz qərar verdiyi müəyyənləşib.
Qeyd edək ki, İspaniya Futbol Federasiyası “Real”ın Bellinqhemin “Osasuna” matçında aldığı qırmızı vərəqə ilə bağlı şikayətini rədd edib və hakimi haqlı bilib. Ulduz futbolçuya 2 oyunluq cəza verilib. Daha əvvəl “Real Madrid” azarkeşi olduğunu açıqlayan İspaniya Futbol Federasiyasının prezidenti Xavyer Tebas “Real”ın davamlı olaraq "ağladığını" bildirmişdi.
