"Əkizlərim mənsiz qaldı" - video+fotolar

Türkiyədə 15 iyul – hərbi çevriliş hadisələri ilə əlaqədar “Yenikapı” deyilən meydanda “Demokratiya və Şəhidlər mitinqi” keçirilib.

Axşam.az-ın məlumatına görə, mitinqə qatılanlar arasında aparıcı Xoşqədəm Hidayətqızı və həyat yoldaşı, türkiyəli müğənni Doğuş da yer alıb.

“Demokratiya uğrunda gecə-gündüz getmədiyimiz tədbir qalmayıb. Yolumuza davam edəcəyik. Ölkəmizə sahib çıxaq, bu insanlara ölkəmizi bölməyə imkan verməyək. Xanımıma mənə dözdüyü üçün təşəkkür edirəm. Əkizlərim bu aralar mənsiz qaldı. Həyat yoldaşım hər dəfə məni evdən “Allaha əmanət qal” deyib yola saldı. Hər gün kəfənimi geyinib, evimdən çıxdım” deyə, Doğuş bildirib.

X.Hidayətqızı “15 gün boyunca türk olduğum üçün qürur duydum. Minlərlə insanın birləşməsi, bir yumruq olması qürur vericidir” söyləyib.