Ayaqların altında xışıldayan alabəzək yarpaqlar, yağışların ara verməyən səsi bizi fikrə getməyə və isti yay günləri üçün kədərlənməyə vadar edir. Onda məhz mahnılar bizə küçədəki tıxacları, iflic olmuş yolları və digər problemləri bir anlıq da olsa unutdurub, dərin hisslərə və emosiyalara qapılmağa, real dünyadan ayrılıb romantik aləmə baş vurmağa imkan verir.
Bəli, payız özü ilə birlikdə çoxlu problemlər gətirir. Lakin payızın şairləri, yazıçıları, rəssamları, bəstəkarları və bütün yaradıcı inanları ilhamlandıran ən romantik fəsil olduğunu dana bilmərik. Sözsüz ki, bu amil, həzin payız ovqatı onların yaradıcığılında da öz əksini tapıb.
Publika.az bir neçə gündür paytaxtı əsir alan leysan yağışları nəzərə alaraq oxucular üçün yerli ifaçıları yağış və payız haqqında oxuduğu ən gözəl mahnıları təqdim edir.
Emin Sabitoğlu – “Payız gəldi”
Payız gəldi, uçdu getdi quşlar
Sən getdin bax yağdı yağışlar...
Flora Kərimova – “Gün keçdi” filmindən
Bir axşam taksidən düşüb payıza
Bilmədik haraya, hayana gedək
Bahar həsrətiylə payız axşamı
Yenə həzin-həzin titrədi ürək...
Rəşid Behbudov – “Payız”
Sən gəldin payızım, o sarı yarpaqlar düşür, üşüyür
Gecələr kainat düşünür səhəri nə rəngə boyasın...
Zeynəb Xanlarova – “Yağış yağır, sevgilim”
Yağış yağır, sevgilim,
Sular axır, sevgilim
Varmı bir xəbərin?
Aygün Kazımova – “Bir payız gecəsi”
Bu payız gecəsi yaman uzandı,
Yuxum tikan kimi batır gözümə
Bir fikir közərib - o fikri dandı
Bir gecəlik həsrət ömürmüş demə...
Aygün Kazımova – “Yağış”
Yağışın səsini eşidirsənmi?
O mənim səsimdir dinlə ürəkdən...
Brilliant Dadaşova – “Ayrılıq yağışı”
Yağır ayrılığın yağışı, qarı
O görüş, o həsrət isinəcəkmi?
Bir də aramızda bu havaları
İsidən məhəbbət isinəcəkmi?
Eyyub Yaqubov – “Yağış”
Yağış yağır bu şəhərə, gör nə gözəl bir gecədir
Bir sən, bir mən bu şəhərdə, bir də yağışlı gecədir
Yağış yağır, bu ki göyün sevgimizə heyrətidir
Bəlkə yağan yağış deyil könlümüzün həsrətidir,
Həsrətidir...
Sevda Ələkbərzadə - “Sev məni bu payız”
Sev məni bu payız, heç olmaya bir payız
Sev məni günahsız, sev məni yalansız...
Miri Yusif – “Soruş”
Sınır sevginin yüzdəyüz faizi səmada,
Yagış bildirir payızı son vida,
Külək daha çağırmır bizi,
Biz ki,yoxuq artıq əzizim...
Soruş ki, mən kiməm nəçiyəm soruş,
Soruş ki, niyə payızdan qorxuram,
Soruş niyə yaralar sağalmır,
Soruş ki, mən hardayam, ölmüşəm ya sağam.
Abbas Bağırov – “Yağış yağır”
Bu gün mən görüşə tələsirəm yağma yağış, yağma yağış
Yarım məni çoxdan gözləyir yağma yağış yağma yağış!
Tünzalə Ağayeva – “Yağış”
Deyəsən, hardasa yağışdır yağan
Doldu ürəyimə qərib bir səda
Mənə pəncərədən qorxusuz baxan
İlslandı bir parça gün işığı da.
Bu yağış səhəri gətirər görən
Yoxsa, ömür kimi gecə yarıdır
Vallah yağış deyil göydən tökülən
Məni sevənlərin göz yaşlarıdır
Zülfiyyə Xanbabayeva – “Yağış”
Danışdı yağış öz sirlərini mənə
Apardı yağış məni ağrımı özü ilə
Çatdırdı yağış sabaha məni əzizlədi
Qoy yağsın yağış sabah kimi yağsın...
Natavan Həbibi - “Damlalar”
Dam-dam damlalar axacaq gözlərimdən ürəyə
Dam-dam damlalar dolacaq gəzdiyimiz küçəyə
Dam-dam damlalar susacaq ehtiyac yox sözlərə
Dam-dam damlalar axacaq yağış yağır şəhərə...
Röya – “Narın yağış”
Narın-narın yağan yağış yerə dikilmiş qəmli baxış
Narın-narın yağan yağış mənə deyir həyatınla barış!