Müğənni Könül Kərimova zəhərlənib. Lent.az-ın məlumatına görə, ifaçı bildirib ki, bir neçə gün öncə boranıdan zəhərlənərək, xəstəxanaya yerləşdirilib. “Bir anlıq elə bildim ki, artıq yoxam, ölmüşəm. Özüm evdə boranı şirəsi hazırlayıb içdim. Daha sonra nə baş verdiyini isə özüm də bilmədim. Həkim mənə söylədi ki, boranı şirəsini az-az içmək lazım imiş. Mən isə çox içmişəm. Üç-dörd gün özümdə olmadım. Heç nə yadımda olmadı. Sadcə axşam gözümü açdım ki, həkimlərin əhatəsindəyəm. Çox qorxu keçirdim. İndi özümü tam yaxşı hiss etməsəm də yavaş-yavaş yaxşı olmağa çalışıram”.
