Əməkdar artist Abbas Bağırov vergi borcundan danışıb.

Axşam.az-ın məlumatına görə, müğənni “10-dan sonra” verilişində haqqında yayılan xəbərlərə münasibət bildirib.

“Şayiə yayıldı ki, vergiyə görə ölkədən gedirəm. Vergi borcumun olması normal haldır. Dövlətə olan borcumdur. Bunu ödəmək də mənim boynuma düşür. Bunla bağlı problem də öz həllini tapıb. Qanun hamı, eləcə də mənim üçün qanundur. Başqa yerə yozmaq lazım deyil. Harasa getsəm, müvəqqəti gedərəm. Azərbaycanda doğuldum, boya-başa çatdım, dostlar tapdım. Çox ölkələr gəzmişəm, Azərbaycanım kimisi yoxdur".

Qeyd edək ki, A.Bağırovun vergiyə 30 min manat borcu var idi.