Şou-biznes yalnız kənardan parlaq, cazibədar görünür. Müğənnilər, sənətçilər qlamur həyat keçirən ulduzlar sayılırlar. Gerçəklik isə fərqli və çox acıdır.
Dünyanın ən populyar qruplarından biri "Pussycat Dolls"un sabiq ulduzu, məşhur britaniyalı müğənni Kayya Cons qalmaqallı açıqlama ilə çıxış edib.
Milli.Az Daily Mail-ə istinadən bildirir ki, "The War Room" proqramının aparıcısı Ouen Şroyerin suallarını cavablayarkən 33 yaşlı müğənni deyib: "Qrupumuzdakı bütün qızlar fahişəlik zəncirinin bəndləri idilər. Bəli, mən, sadəcə, müğənni deyildim. Mən həm də fahişəliyə, bədənimi satmağa vadar olunmuşdum. Bizə sahib olanlar pulu kisələrlə qazanırdılar. Bütün arzularım puç oldu, ayıldım, həyata ayıq gözlə baxdım".
K.Consun dediyinə görə, qrup üzvlərinə 13 milyon dollarlıq müqavilə imzalatmışdılar. Bu isə onların pop-musiqidə lider qrupa çevriləcəyi deməkdi.
"Bizə dedilər ki, komandanın üzvü olmaq üçün bütün göstərişləri yerinə yetirməliyik. Yəni əmr veriləndən sona deyilən hər kişi ilə yatağa girməliydik. Əks təqdirdə hər şeyi itirəcəkdik", - Kaya Cons Twitter-dəki profilində də yazıb.
Kayya Cons 2003-2005-ci illərdə "Pussycat Dolls"u tərk edib. Qrupun sabiq solisti, populyar müğənni Nikol Şerzinger indi "Pussycat Dolls"u bərpa etməyə çalışır.
Milli.Az
Videonu izləmək üçün şəklə klikləyin:
