Tanınmış simalar məşhur olmadan əvvəl bir çox peşələrdə çalışıblar.
Metbuat.az bəzi məşhurların ilk peşələrinin siyahısını sizə təqdim edir:
Müğənni Sevda Yahyayeva ilk peşəsi satıcı olub. Anasının rəfiqəsi ona müğənni olmağı təklif edib.
Müğənni Xatun Əliyeva ilk peşəsi jurnalist olub.
Əməkdar artist Mətanət İsgəndərli müğənnilikdən əvvəl xəstəxananın mətbəxində çalışıb. Daha sonra o, bəstəkar Eldar Mansurovla tanış olaraq, oxumağa başlayıb.
Müğənni Nadir Qafarzadə aşpaz, ofisiant kimi işlərdə çalışıb. Daha sonra işlədiyi restoranda oxumağa başlayıb. Bir müddətdən sonra böyük səhnəyə gəlib.
Müğənni Xatirə İslam əvvəllər tibb bacısı olub.
Stilist Samiraldo fəhlə kimi fəaliyyət göstərib. Sonra dərziliklə məşğul olan Samiraldo, özünü stilist kimi sınayıb.
Əcnəbi məşhurlardan aktyor Tom Kruzun ilk peşəsi oteldə müştərilərin çantalarını daşımaq olub. Həmin dövrdə həyatının qalan hissəsini rahib kimi başa vurmaq arzusunda olan aktyor, hətta dini seminariyaya da qəbul olub. Lakin sonradan həyata baxışı dəyişdiyindən, fikrindən vaz keçib.
Aktyor Bred Pit restoranların birinə müştəri cəlb etməklə çörək pulu qazanıb. Aktyor toyuq geyimində restoranın qapısında dayanaraq, yoldan keçənləri ləziz yeməkləri dadmağa dəvət edirmiş. Lakin kifayət qədər pul qazana bilməyən Bred ikinci iş olaraq fəhləliklə məşğul olub.
Pop ulduz Cennifer Lopes də bu zirvəyə çatana qədər elə də asan həyat yaşamayıb. Onun ilk peşəsi ofisiant olub.
Meqa star Tarkan isə satıcılıq edib. Daha sonra bu peşənin ona uyğun olmadığını hiss edən Tarkan, toylarda müğənnilik etməyə başlayıb. Çox keçmədən bu sahədəki istedadını sübut edərək, prodüserlərin diqqətini öz üzərinə çəkməyi bacarıb.
| Mətanət Əsədovanın bu geyimi müzakirəyə səbəb oldu -
FOTOLAR - Oxumaq üçün tıkla |
