Bakı. 23 yanvar. REPORT.AZ/ Avropa İttifaqı Şurası 8 ölkəni ofşorların "qara siyahı"sından çıxarıb.
"Report" "Qazeta.Ru"ya istinadən xəbər verir ki, "qara siyahı"dan çıxarılan ölkələr Barbados, Qrenada, Makao, Monqolustan, Birləşmiş Ərəb Əmirlikləri, Panama, Koreya Respublikası və Tunisdir.
"Şura bu ölkələrin Avropa İttifaqı tərəfindən müəyyən edilmiş çatışmazlıqları aradan qaldırmaq üçün götürdükləri öhdəliklərin ekspert qiymətləndirilməsini nəzərə alaraq, onların adlarının siyahıdan çıxarılmanın əsaslı olması ilə razılaşıb", - bəyanatda deyilir.
