Bakı 22 dekabr. REPORT.AZ/ Somalinin paytaxtı Mogadişoda partlayış nəticəsində ən azı 6 nəfər ölüb, 13-dən çox insan yaralanıb.
"Report"un RİA "Novosti"yə istinadən verdiyi xəbərə görə, bu barədə yerli “Radio Dalsan” bildirib.
"Ən azı 6 nəfər həlak olub, 13-dən çoxu yaralanıb" - radiostansiyasının Twitter-dəki məlumatında deyilir.
Qeyd edilir ki, minalanmış avtomobil paytaxtın mərkəzindəki Milli Teatr binasının yaxınlığında yerləşən keçid-buraxılış məntəqəsində partladılıb.