İraqın Kərkük şəhərində terror aktı baş verib.
Publika.az xəbər verir ki, şəhər mərkəzində ard-arda 3 partlayış olub.
Hadisə nəticəsində 16 nəfər yaralanıb. Olayın qurbanları mülki şəxslərdir.
Hücumun məsuliyyətini heç bir qruplaşma öz üzərinə götürməyib.
Qeyd edək ki, İŞİD terror təşkilatı 2014-cü ildə Mosul başda olmaqla, İraq torpaqlarının üçdən-birini ələ keçirmişdi. İraq gücləri 2017-ci ildə İŞİD-i torpaqlarından çıxarmışdı. Buna rəğmən, təşkilat Kərkük, Diyala, Mosul, Səlahəddin və Ənbar şəhərlərində terror aktları törətməyə davam edir.
