Əməkdar incəsənət xadimi Cavanşir Quliyev xalq artisti Aygün Kazımovanı müdafiə edib.

Axşam.az-ın məlumatına görə, bəstəkar mediada ötən gündən yayılan Aygün Kazımovanın erməni agentləri ilə əlaqəsi olması iddialarına cavab verib.

C.Quliyev tələbəsi və yaxın dostu olan ifaçının heç vaxt belə iş görməyəcəyini deyib:

“Ayıb olsun! Məhəmməd Əmin Rəsulzadə Müsavatı bunun üçünmü yaratdı? Biz könlümüzü, ömrümüzü bunun üçünmü verdik? Çox üzüldüm. İnsanı sübutsuz, dəlilsiz ittiham etmək olmaz. Buna böhtan deyilir. Bu da cəzalandırılmalıdır. Ən acısı isə odur ki, bunu dəfələrlə böhtan qurbanı olmuşlar edir. Aygün bütün bunları etməyib, etməz, edə də bilməz. Çünki Aygün o cür insan deyil. Mən Aygünü tanıyıram. Aygündən üzr istəməlidirlər. Bəlkə Aygün bağışlayar”.

Cavanşir Quliyev Aygünü müdafiə etdi: "Onlar cəzalandırılmalıdır"