İŞİD terror təşkilatı Tacikistan-Özbəkistan sərhədindəki silahlı hücuma görə məsuliyyəti öz üzərinə götürüb.
Milli.Az APA-ya istinadən xəbər verir ki, bu barədə Amerikanın SİTE Kəşfiyyat Qrupu məlumat verib.
Qeyd edək ki, noyabrın 6-da 20 silahlı şəxs Tacikistan - Özbəkistan sərhədində yerləşən Sultanabad sərhəd dəstəsinin "İşkobod" zastavasına hücum edib.
Hücum zamanı 15 silahlı məhv edilib, 5 nəfər saxlanılıb. Bundan başqa, bir nəfər sərhədçi və bir nəfər polis əməkdaşı ölüb.
Tacikistan Milli Təhlükəsizlik Komitəsi sərhəd zastavasına hücum edən şəxslərin Əfqanıstandan gələn İŞİD döyüşçüləri olduğunu bildirib.
Milli.Az
