İngiltərə millisi qrup mıərhələsinin ikinci turunda Panamanı 6:1 hesabı ilə darmadağın edib.

Milli.Az qol.az-a istinadən xəbər verir ki, 2 turdan sonra İngiltərə və Belçika milliləri 6 xalla G qrupuna başçılıq edirlər. Artıq pley-offa vəsiqə qazanan komandaların yığdıqları xalla yanaşı, top fərqləri də eynidir - 8:2.

Son turda bu 2 komanda üz-üzə gələcək. Belə də mümkün heç-heçə təqdirində, qrup qalibinin kimliyi maraq doğurur. Çünki Belçika və İngiltərə matçında bərabərlik olsa, bu zaman komandaların bütün göstəriciləri bərabər olacaq və qrup qalibinin adı sarı vərəqələrin sayı ilə müəyyənləşəcək.

Bu baxımdan isə hazırda İngiltərə üstündür. İlk 2 tur ərzində İngiltərə millisinin 2, Belçikanın isə 3 futbolçusu sarı vərəqə ilə cəzalanıb.

Milli.Az